Раиси иттифоқи касабаи роҳи оҳани Тоҷикистон Н. Вафозода дар доираи ҳамкориҳои мутақобила бо ташкилотҳои байналмилалии иттифоқҳои касаба ва иттифоқҳои касабаи соҳавӣ, аз 4 то 7 ноябри соли 2024 дар ҷаласаи 68-уми Шӯрои Конфедератсияи байналмилалии иттифоқҳои касабаи роҳиоҳанчиён, ки дар шаҳри Тошканд баргузор гардид, иштирок намуд. Дар ҷараёни ҷаласаи 68-уми Шӯрои Конфедератсияи байналмилалии иттифоқҳои касабаи роҳиоҳанчиён масъалаҳои умумӣ баррасӣ гардида, як қатор вазифаҳо барои беҳтар намудани фаъолияти иттифоқи касаба гузошта шуданд.