18.12.2020

Рӯзи 18  декабри соли 2020 дар ҶСП «Сафед-дара»  бо иштироки раисони ташкилотҳои ибтидоии иттифоқи касабаи минтақаҳои душанбегӣ ва хатлонии роҳи оҳан семинар-машварат «Дар бораи вазъи  ҷорӣ ва вазифаҳои ташкилотҳои ибтидоии иттифоқи касаба  дар соли 2021» баргузор гардид.

    Дар семинар-машварат ҷиҳати ҷамъбасти озмуни «Беҳтарин ташкилоти ибтидоии иттифоқи касаба», сатҳи гузаронидани маҷлисҳои (конференсияҳои) ҳисоботии  ташкилотҳои ибтидоии иттифоқи касаба ва чорабиниҳои маданӣ-оммавӣ, назорати ҷамъиятӣ аз болои шароитҳои ҳифзи меҳнат ва риояи техникаи бехатарӣ муҳокима карда шуд.

Бо мақсади дар сатҳи баланди ташкилӣ ва сиёсӣ таҷлил намудани 30-солагии Истиқлолияти давлатии Ҷумҳурии Тоҷикистон  ташкил намудани чорабиниҳои варзишӣ, маданӣ-оммавӣ ва озмуни соҳавӣ байни корхона ва муассисаҳои роҳи оҳан мавриди баррасӣ қарор гирифт.